UPPLÝSINGAR UM KEPPNINA

Hér að neðan má finna nytsamlegar upplýsingar um keppnina, reglur hennar og skráningargjöld.

SKRÁNING

Skráning fer fram að öllu leyti hér á vefnum. Ekki er tekið við skráningu með öðrum hætti. Ganga þarf frá greiðslu við skráningu. Keppnisgjald fæst ekki endurgreitt, nafnabreyting er leifð gegn 2500kr breytingargjaldi.

KEPPNISGJALD OG INNIFALIÐ

Gjaldið er 7.900,- krónur í forskráningu, en hækkar upp í 9.900,- krónur 1. mars og í 10.900,- krónur 1. júní. Á mótsdegi er verð 15.000 ef það er ekki uppselt.
Að lokinni keppni er öllum boðið upp á súpu og léttar veitingar.
Aðgangur að Bláa Lóninu eftir keppni er innifalinn.

VERÐLAUN

Verðlaun eru veitt fyrir 1.-3. sæti í opnum flokki karla og kvenna og fer sú verðlaunaafhending fram við endamark.

Afhending verðlauna í aldursflokkum og liðakeppni, fer fram mánudaginn 5. júní í reiðhjólaversluninni Erninum Faxafeni kl. 20:00.

AFHENDING RÁSNÚMERA

Afhending rásnúmera fer fram á tveimur stöðum: a) Hjólreiðaversluninni
Örninn frá og með 29. maí og fram að keppnisdeginum 2. júní. b) Íþróttamiðstöðinni að Ásvöllum Hafnarfirði, á keppnisdeginum 3. júní frá kl. 16:00 – 19:30.

RÆSING

Keppnin er ræst kl. 19:40 frá Ásvöllum í Hafnarfirði. Hópurinn hjólar saman undir lögreglufylgd um 3km leið suður að hesthúsunum þar sem tímataka hefst.

DRYKKJARSTÖÐVAR

Í keppninni er drykkjarstöð, og er staðsett við gatnamót Djúpavatns- og Ísólfskálavegar, eftir um 37 km leið. Síðari drykkjarstöðin er við endamark. Að auki er boðið upp á drykki og næringu við endamark.

Forgangur í ræsingu

Af öryggisástæðum er sterkari hjólreiðamönnum tryggður forgangur að ráslínu í Blue Lagoon Challenge. Mótstjórn velur, á grundvelli árangurs síðustu ára og sérstakra óska frá nýjum innlendum og erlendum keppendum, um 100-130 manna hóp karla og kvenna. Þessi hópur verður aðgreindur með sérstökum lit á keppnisnúmeri.

Ef þú telur þig eiga heima á þessum lista bendum við þér á að hafa samband við mótstjórn á netfangið hfr@vortex.is.

Keppnisflokkar

Hægt er að taka þátt í Blue Lagoon Challenge í einstaklingskeppni, liðakeppni eða firmakeppni.
Aldurstakmark í þrautina er 16 ár.

EINSTAKLINGSKEPPNI

Einstaklingskeppni skiptist í karla- og kvennaflokk. Allir þátttakendur fá skráðan tíma eftir keppni, sem verður flokkaður skv. eftirfarandi aldursflokkum:

  • 16-18 ára
  • 19-29 ára
  • 30-39 ára
  • 40-49 ára
  • 50-59 ára
  • 60 ára og eldri

LIÐAKEPPNI

3-5 keppendur eru í hverju liði, 3 bestu tímar gilda. Hver keppandi getur einungis verið í einu liði. Að minnsta kosti þrír keppendur í liði þurfa að klára keppnina til að liðið fái skráðan tíma.

Hvers kyns samsetning á liðum er leyfileg (aldur, kyn, fjölskyldur, fyrirtæki o.s.frv.)

FIRMAKEPPNI

3-5 keppendur eru í hverju liði, 3 bestu tímar gilda. Hver keppandi getur einungis verið í einu liði. Hugmyndin er að starfsmenn fyrirtækis taki sig saman og keppi sem lið.

Hver keppandi getur einungis verið í einu liði í firmakeppni. Engin aukakostnaður er við liðaskráningu í firmakeppni, en við hvetjum fyrirtæki til að styrkja sína starfsmenn til þátttöku í keppninni.

Reglur

Almennar reglur Alþjóða Hjólreiðasambandsins (UCI) um fjallahjólamót (XC-marathon) eru hafðar til viðmiðunar við dómgæslu. Þátttakendur sem ekki fara eftir neðangreindum reglum eiga á hættu að verða skráðir úr mótinu. Þær eru fyrst og fremst hugsaðar til að tryggja öryggi keppenda.

  • Keppendur eru á eigin ábyrgð í keppninni.
  • Hjóla skal alla leiðina á sama hjóli og lagt er af stað á. Ekki er leyfilegt að skipta um hjól, þó er leyfilegt að skipta um allan búnað á hjólinu, þ.e. gjarðir, dekk, gírbúnað, bremsur, stýri, gaffal, svo lengi sem hjólað sé á upphaflegu stelli (ramma), ef um bilun er að ræða. Utanaðkomandi aðstoð er ekki leyfð.
  • Allir keppendur skulu hjóla með reiðhjólahjálm á meðan á keppni stendur.
  • Liggistýri, letingjar, TT-bars eða annar sambærilegur búnaður er bannaður. Venjulegir stuttir stýrisendar (festir á enda fjallahjólastýris) eru leyfðir.
  • Öll venjuleg reiðhjól eru leyfileg í keppninni, en gæta skal að búnaður á því, t.d. standari, bögglaberi, bretti o.s.frv, sé vel festur, og af búnaðinum stafi ekki hætta fyrir aðra keppendur.
  • Hjólið skal drifið af mannafli, en ekki raforku, eða öðrum hreyflum.
  • Múmer skal vera á fest á hjólið og flagan skal vera ofan á skónum eins flöt og mögulegt er.
  • Keppnin fer fram á opnum vegum, og ber keppendum að virða umferðarreglur öllum stundum, t.d. þegar bílum er mætt, eða þegar hjólað er út á akbraut.
  • Óheimilt er með öllu að kasta frá sér rusli á leiðinni, þ.m.t. drykkjarílát, umbúðum utan af orkugeli eða orkubitum.